LAU Kwan Yin
今日有請
1) 什麼時候開始攝影？
2) 為什麼會出版攝影書？
3) 可以介紹一下你的作品？
4) 出版時，你會遇到什麼難題？
5) 如何克服上述的難題？
6) 介紹一本你喜歡的攝影書。
7) 對於想準備出版的攝影師有什麼建議？
8)在拍攝時令你難忘的事情?
讀者提問1 ：（街拍攝影師）與（喜歡街頭攝影）的人分別喺邊？
讀者提問二：有冇啲咩人或事避免唔影？例如燒街衣等等。
讀者提問三：點樣避免單純被獵奇事物吸引？
讀者提問四：有冇試過被警察問做咩，+睇照片？
中學時侯有學過兩年攝影，但真正開始街拍係2015年。
影到某個位嘅時候好自然發覺自己需要出一本書去綜合自己某一個進度。
我第一本書個名叫做「火花」，係一本完全直到相片嘅黑白攝影集。用全部直到相片嘅原因係每逢我覺得有趣嘅東西，我就會好自然用直到嘅方式嚟表達。雖然我有好多橫相，但係我想我第一本書係用直到嘅方式嚟表達我對外界的好奇。
基本上都係資金，自資一本書你要用嘅資金係好龐大，因為人工好貴。喺香港你唔可以用一種想賺錢嘅方式嚟出攝影書，尤其係街拍題材，因為會買嘅人好少，因為唔係主流。除非你好多人脈好多朋友，加上出書嘅數量，都係用幾百本開始嚟計，放書嘅地方，同編輯嘅溝通，好多嘢都需要解決。
如果你真係覺得自己係可以出一本書，我認為你盡量同編輯傾多啲，表達你嘅顧慮同埋想法，後期盡量留空間比編輯幫你搞，因為出版排版始終佢熟過你，你係影相嗰個。
我會介紹兩本，第一本係本橋成一嘅「上野火車站」，主題好清晰，就係上火車站入邊嘅人來去匆匆等上火車嘅情景。我個人好喜歡這本書，拍攝手法好有共鳴同埋好有代入感。
第二本係黃勤帶嘅「The Queens」，基本上係講黃勤帶作為記者喺九七前所拍低嘅照片，每一張都好珍貴，每一張都拍得好好，好值得香港人收藏。
都冇咩好建議。恭喜你入坑，編輯認為你出到書嘅就證明你有能力，希望可以一齊努力為香港文化出一分力。
喺果欄影影吓相突然聽到背後有隻狗發出好低沉嘅㗅㗅聲，再望真啲原來已經係比三隻大狗圍住，我唯有好慢嘅舉高雙手，慢慢轉身慢慢咁行返出去大街。
喺九龍城其中一條後巷有個婆婆以為我係記者影佢相，佢即刻擸起把菜刀追住我殺。
我諗分別在於街拍攝影師係用嘅時間係比較多，如果以我為例我係每一日都風雨不改會用幾個鐘頭去進行拍攝，所以可能睇嘅嘢同埋經驗方面會稍為有些微分別。
呢一個好個人，個個人都唔同，但係我自己就盡量都唔會避免話有啲咩特別係唔影。如果係有趣值得記錄嘅，我覺得所有嘢都可以影，因為社會係有好同壞，分唔開，你冇可能話好嘅就影唔好就唔影，咁樣會變咗做偏見。除咗犯法嘅事之外。
我諗係盡量做返自己同表達自己，始終你係想讀者去認識你而唔係去標奇立異。
試過，不過係同一個南亞人佢咁啱經過入咗鏡頭俾我影到，嘈交嘅時候警察先介入，警察喺呢方面反而會希望息事寧人，因為其實好小事唔係犯法嘅事。